លោក ខឹម វាសនា បកស្រាយមូលហេតុដែលលោកចេញពីគណបក្ស សម រង្ស៊ី

2018-03-07 21:00:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យ បានថ្លែងបញ្ជាក់ថា លោកចេញពីគណបក្ស សម រង្ស៊ី មកបង្កើតគណបក្សសម្ព័ន្ធដើម្បីប្រជាធិបតេយ្យ គឺដោយសារតែគណបក្ស សម រង្ស៊ី មិនអាចបម្រើប្រជាពលរដ្ឋបាន។ លោកបានឲ្យដឹងទៀតថា ការចេញមកបង្កើតបក្សនេះ គឺមករកការគាំទ្រគំនិត មិនមែនចេញមករកសន្លឹកឆ្នោតទេ។ ហើយលោកយកកម្លាំងយល់ឃើញរបស់ប្រជាពលរដ្ឋដើម្បីការផ្លាស់ប្ដូរ។

ការថ្លែងរបស់លោក ខឹម វាសនា ត្រូវបានធ្វើឡើង នៅព្រឹកថ្ងៃទី៨ ខែមីនានេះ នាភោជនីយដ្ឋានទន្លេបាសាក់២ ដើម្បីអបអរទិវាសិទ្ធិនារី ៨មីនា ដោយមានអ្នកចូលរួមប្រមាណជិត ៣០០នាក់។

លោក ខឹម វាសនា ថ្លែងនៅភោជនីយដ្ឋានទន្លេបាសាក់២ នៅថ្ងៃទី៨មីនា

ជុំវិញការលើកឡើងនេះ ខ្លីៗបានព្យាយាមទាក់ទងទៅកាន់លោក ទាវ វណ្ណុល ប្រធានគណបក្ស សម រង្ស៊ី ដើម្បីស្នើសុំការឆ្លើយតប តែលោកមិនបានលើកទូរសព្ទឡើយ។

សូមជម្រាបថា លោក ខឹម វាសនា បានចូលប្រឡូកក្នុងវិស័យនយោបាយជាលើកដំបូង ជាមួយគណបក្ស សម រង្ស៊ី និងបានឈរឈ្មោះជាតំណាងរាស្ត្រតាំងពីឆ្នាំ១៩៩៨ ប៉ុន្តែមិនជាប់ឆ្នោតទេ ។ ក្រោយមកលោកបានជាប់ឆ្នោត តំណាងរាស្ត្រនៅឆ្នាំ២០០៣ នៅមណ្ឌលព្រៃវែង តែដោយសារមានបញ្ហាជម្លោះផ្ទៃក្នុង លោក ខឹម វាសនា បានចាកចេញពីគណបក្ស សម រង្ស៊ី ។ បន្ទាប់មក ក្នុងឆ្នាំ២០០៦ (ក្រសួងមហាផ្ទៃចុះបញ្ជីគណបក្សសម្ព័ន្ធដើម្បីប្រជាធិបតេយ្យ នៅថ្ងៃទី២៦ ខែមិថុនា ឆ្នាំ២០០៦) លោកក៏ចេញមកបង្កើតគណបក្សខ្លួនឯង ដែលមានឈ្មោះថាគណបក្សសម្ព័ន្ធដើម្បីប្រជាធិបតេយ្យ មកដល់បច្ចុប្បន្ននេះ៕