កីឡាករតេក្វាន់ដូកម្ពុជា ដណ្តើមបានមេដាយប្រាក់កម្រិតពិភពលោក

2018-08-25 20:55:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

បួន ច័ន្ទថារ៉ាត់ កីឡាករតេក្វាន់ដូ ITF វ័យ ១៥ឆ្នាំ យកបានមេដាយប្រាក់ នៃព្រឹត្តិការណ៍ប្រកួតជើងឯកពិភពលោក ITF នៅទីក្រុង MINSK ក្នុងប្រទេសបេឡារុស។

កីឡាករតេក្វាន់ដូកម្ពុជា បួន ច័ន្ទថារ៉ាត់ (រូបថត៖ ហ្វេសប៊ុកលោក កែវ រេមី)

បើតាមលោក កែវ រេមី ប្រធានសហព័ន្ធតេក្វាន់ដូ ITF កម្ពុជា បានឱ្យដឹងកាលពីថ្ងៃទី២៥សីហាម្សិលមិញថា បួន ច័ន្ទថារ៉ាត់ លេងក្នុងវិញ្ញាសាប្រយុទ្ធទម្ងន់៤៥គីឡូក្រាម ដោយប្រកួតចាញ់កីឡាកររុស្ស៊ី នៅវគ្គផ្តាច់ព្រ័ត្រ។ មុនឈានដល់វគ្គផ្ដាច់ព្រ័ត្រ បានមេដាយប្រាក់នេះ រូបគេបានយកឈ្នះកីឡាករមកពីប្រទេសជាច្រើនដូចជា អេស្តូនា, ក្រិក, ជប៉ុន, អាស្សង់ទីន, កាស្សាក់ស្ថាន និងអ៊ុយក្រែន។

សូមជម្រាបថា ក្នុងការប្រកួតជើងឯកតេក្វាន់ដូ ITF ពិភពលោកនៅបេឡារុសលើកនេះ កីឡាករដែលចូលរួម មានអាយុ ១៤ ទៅ ១៥ឆ្នាំ ចំនួន ១៤រូប ចែកជា៤ពូល។ ក្នុងនោះ កម្ពុជា បានបញ្ជូនកីឡាករយុវជន ៧រូប និងវ័យចំណាស់ ៤រូប ទៅចូលរួមប្រកួតនេះ៕

អត្ថបទ៖ សំភី